Лондоннинг "Арсенал" клуби вингери Нони Мадуэке Чемпионлар Лигасидан ўрин олган "Брюгге"га (3:0) қарши ўйиндан сўнг интервью берди. Англиялик футболчи дубль қайд этди ва учрашувнинг энг яхши футболчиси деб топилди.
"ЕЧЛда ҳам, АПЛда ҳам ғалаба қозонишимиз мумкинлигини ҳис қиляпман. Мақсадимиз шундай бўлиши керак. Ҳозир биз яхши ҳолатдамиз, шунинг учун шунчаки шу руҳда давом этишимиз керак. Бизнинг аҳил жамоамиз бор. "Арсенал"да топ-футболчилар ўйнайди, лекин гап алоҳида ижрочиларда эмас, жамоада. Ҳар ким ўз вазифасини билади," — деди Мадуэке.
"Канонирлар" умумий турнир жадвалида олти турдан сўнг юз фоизлик кўрсаткич билан 18 очко жамғарган ҳолда пешқадамлик қилмоқда.

