Ўз вақтида "Реал"да Жозе Моуриньонинг мураббийлар штабида ишлаган Айтор Каранка португалиялик мураббийнинг юлдуз футболчи Криштиану Роналду билан муносабати ҳақида гапирди.
"Испания кубоги доирасида "Валенсия"га қарши ўйинда Моуриньо Криштиануга танбеҳ берганди, ўшанда Криштиану ҳамманинг олдида кўзида ёш билан жавоб қайтарганди: "Мен сени шундай қўллаб-қувватладимки…" — деди журналист Хосеп Педрерол El Cafelito дастурида.
"Менинг хотирам танловчан. Бу "ота-ўғил" муносабатлари каби эди. Эҳтимол, Жозе айнан шундай реакцияга эришмоқчи бўлгандир. У ҳамманинг олдида унга танбеҳ бера оларди, чунки айнан унга кўпроқ ишонарди. Жозе барча қарорларни жамоа манфаати учун қабул қиларди," — деди Каранка.

