"Анже" Франция чемпионатининг 16-туридан ўрин олган "Нант"га қарши баҳсда ғалаба қозонди — 4:1. Ўйин Анжедаги "Раймон Копа" стадионида бўлиб ўтди.
Учрашувнинг 17-дақиқасида эса Ҳимад Абделли пенальтидан унумли фойдаланиб, мезбонларни ҳисобда олдинга олиб чиқди. Унинг голи биринчи бўлимда ягона бўлди.
Танаффусдан сўнг Сидиқи Шериф "Анже"нинг иккинчи голига муаллифлик қилди. 81-дақиқада "канарейкалар" битта тўпни қайтариб олди — Фабиэн Сентонс гол урди. Ўйин якунланиши арафасида Аруна Жибрин мезбонларнинг икки голи устунлигини қайтариб берган бўлса, қўшиб берилган дақиқаларда Лилиан Раолисоа ҳисобни йирик кўринишга олиб келди.

