Россия терма жамоасида 2 футболчи Ўзбекистонга қарши ўйин олдидан машғулотда қатнашмади

Маълумотларга кўра, Монако клуби ярим ҳимоячиси Александр Головин ҳамда Москва Динамоси ҳимоячиси Максим Осипенко жамоанинг навбатдаги машғулотида майдонга тушмаган. Уларнинг нима сабабдан умумий гуруҳда шуғулланмагани ҳақида Россия терма жамоаси штаби томонидан расмий изоҳ берилмаган.

Вазирлик ва клуб маълумотларига кўра, Максим Осипенконинг ҳолати билан боғлиқ вазият анча жиддийроқ. Москва "Динамо" клуби бош директори Павел Пивоваров футболчи тиббий сабабларга кўра жамоа ихтиёрига қайтганини тасдиқлаган. Унинг айтишича, ҳимоячи сўнгги учрашувдан кейин жароҳат олган ва МРТ текширувидан ўтказилган. Жароҳатнинг аниқ хусусияти ҳамда тикланиш муддати ҳозирча маълум қилинмаган.

Александр Головин эса Россия терма жамоасининг Тошкентдаги машғулотида қатнашмаган. Шунингдек, "Спартак" ярим ҳимоячиси Наиль Умяров ҳам машғулотни ўтказиб юборган. Бу ҳақда "Чемпионат" нашри ўз мухбирига таяниб хабар берди. Ҳозирча уларнинг машғулотда иштирок этмагани сабаблари расман очиқланмаган.

Шу тариқа, Валерий Карпин бошчилигидаги Россия терма жамоаси Ўзбекистонга қарши баҳс олдидан бир нечта футболчининг ҳолати билан боғлиқ муаммоларга дуч келди.

Эслатиб ўтамиз, Ўзбекистон ва Россия терма жамоалари ўртасидаги ўртоқлик учрашуви 12 ноябрь куни Тошкентдаги "Пахтакор" стадионида бўлиб ўтади. Баҳс Тошкент вақти билан соат 20:00 да бошланади.

БУ ЕРДА ПЕРЕВОД

Ҳозирча изоҳлар йўқ

Фикр қолдириш

Изоҳ қолдириш учун тез кириш
ёки исм ва email билан ёзинг

Email манзилингиз эълон қилинмайди. Мажбурий майдонлар * билан белгиланган