Бразилия терма жамоаси ҳужумчиси Неймар терма жамоаси ушбу босқичга чиқса, ЖЧ-2026 финалида гол уришга ваъда берди.
"Жаҳон кубогини Бразилияга олиб келиш учун қўлимиздан келган ва келмаган барча ишни қиламиз. Июль ойида мени жавобгарликка тортишингиз мумкин. Ҳой, Анчелотти, бизга ёрдам бер! Агар финалга чиқсак, гол уришга ваъда бераман," — дея футболчининг сўзларини келтиради журналист Фабрицио Романо.
Маълумот ўрнида, 33 ёшли Неймар 79 та гол билан Бразилия терма жамоаси тарихидаги энг яхши тўпурар бўлиб турибди. У сўнгги марта 2023 йил октябрь ойида терма жамоада ўйнаган.

